Waqt (1965)

aage bhee jaane naa too, peechhe bhee jaane naa too
jo bhee hain bas yahee yek pal hain

anajaane saayon kaa, raahon mein deraa hain
anadekhee baahon ne, hum sab ko gheraa hain
ye pal ujaalaa hai, baakee andheraa hain
ye pal gawaanaa naa, ye pal hee teraa hain
jeene waale soch le, yahai wakt hain kar le, pooree aarajoo

is pal ke jalawon ne, mahafil sawaaree hair
is pal kee gamree ne, dhadakan ubhaaree hai
is pal se hone se, duniyaan humaaree hai
ye pal jo dekho to, sadiyon pe bhaaree hai
jeene waale soch le, yahee wakt hain kar le, pooree aarajoo

is pal ke saaye me, apanaa thhikaanaa hai
is pal ke aage hee, har shay fasaanaa hai
kal kis ne dekhaa hai, kal kis ne jaanaa hai
is pal se paayegaa, jo tuz ko paanaa hai
jeene waale soch le, yahai wakt hain kar le, pooree aarajoo
*********************
hum jab simat ke aap kee baahon mein aa gaye

laakho haseen khwaab nigaahon mein aa gaye


khushaboo chaman ko chhod ke saanson mein ghool gayee

laharaa ke apane aap jawaan julf khul gayee

hum apanee dilapasand panaahon mein aa gaye


kah dee hain dil kee baat najaaron ke saamane

ikaraar kar liyaa hai, bahaaron ke saamane

donon jahaan aaj gawaahon mein aa gaye


masteebharee ghataaon kee parachhaeeyon tale

haathon mein haath thaam ke jab saath hum chale

shaakhon se fool toot ke raahon mein aa gaye
************************
kaun aayaa ke nigaahon mein chamak jaag uthhee
dil ke soye huye taaron mein khanak jaag uthhee

kisake aane kee khabar le ke hawaayen aayee
jism se fool chatakane kee sadaayen aayee
ruh khilane lagee, saanson mein mahak jaag uthhee

kisane ye meree taraf dekh ke baahen kholee
shaukh jajabaat ne seene mein nigaahen kholee
hothh tapane lage, julfon mein lachak jaag uthhee

kis ke haathon ne mere haathon se kuchh maangaa hain
kis ke khwaabon ne meree raaton se kuchh maangaa hain
saaj bajane lage, aanchal mein dhanak jaag uthhee